• ×

11:59 صباحًا , الثلاثاء 24 أبريل 2018

القائمة الرئيسية

حدث في مثل هذا اليوم

شعر للشاعر ايهاب المآلكي.. كل ظني



زيادة حجم الخط مسح إنقاص حجم الخط
على شوگي
ونفس جفني اليتانيك
احن وللزعل ما منطي لزمه

بموعد جيتك كون اندل الميل
وسطي اعله الدقايق حتى اقدمة

اني مناطرك نظرة غصن جان
اخضر بس قبلت تعوفه يضمه

بررلي سبب عطر الالبلا روح
وليش الشمس تطلع بيها عتمه

حرت وجهك يتراوالي مرات
واقع لو لإن مشتاگ ارسمه

اخر نظرة صوغة تضل بلعيون
حد اليگضي شوفه وعينه تعمه

عله سنيني ضنكني الموت بچفاك
وعله مهلة رجعتك گمت احشمه

ربك باقيات چم سنة وياي
عزلت لشوفتك ونطيته سهمه

رحت بس اني ما راضيلك تروح
ضعف موقف وگفتك ردت احسمه

حرت من وادعتني اتشاهد اشتاگ
احروف الموادع چانت ازمه

بديك الخاليات شماخذ وياك
بس هذا البعدك ردت افهمه

اذا ريتي بعدها وياي چا ليش
ما تقبل تفوت بصدري نسمه

لا يكمل بعد حلم البلياك
ولا گلب اليريدك يلا هدمه


كل ظني چنت بيك الضوه يعيش
فاتتني الصبح ما تبقى نجمه

و ما فاهمك بس اني معذور
گدام امنياتي السر اكتمه

تجرحني وشوفك بس ابريك
ووصيك استغل اجروحي غشمه

وحقك ما استاهل روحتك هاي
ومو اني التخلي بگلبة لچمه

عساك ولا شفتها اوصافها شلون
ملامح فشلة اليعثرة جدمه

اشك برجعتك وتلاگفك خوف
وعزفك للظنون البية نغمه

امنيتي اعله ما گد ارمش انساك
اقل شي اعله بعدك گلبي اعلمه

لو ناسي من الاول لا صفگت ايد
ولا عل ذكريات الليل اقسمه

من تالي صعب نسيانك يصير
مثل البلكبر يتغير اسمه
بواسطة :
 1  0  112  منذ 4 أسبوع 04:18 مساءً
التعليقات ( 1 )

الترتيب بـ
الأحدث
الأقدم
الملائم
جميع الأوقات بتوقيت جرينتش +3 ساعات. الوقت الآن هو 11:59 صباحًا الثلاثاء 24 أبريل 2018.